Bawat Pahayag, May Kahulugan

Sa ating mga pahayag o pagsasabi ng ating nadarama o naiisip, may mga ginagamit tayong kataga na nagbibigay ng iba't ibang kahulugan sa ating pahayag.

Tuklasin:

Nag-uusap sa telepono ang magkaklase.

                Ana: Tulog ka na ba, Bambi?

                Bambi: Hindi pa naman. Hinihintay ko nga ang tawag mo.

                Ana: Bukas nga pala ay pupunta ako riyan. Magpapaturo lang ako sa iyo ng pagluluto.

                Bambi: Tumawag ka muna bago ka pumunta. Lalabas kasi kami ng nanay ko.

                Ana: Sige, magkita sana tayo bukas.

                Bambi: May sakit ka yata?

                Ana: Hindi, inaantok lang ako. Bye.

                Bambi: Bye.

Pansinin ang kahulugan ng mga pahayag na maysalitang sinalungguhitan sa usapan.

Anu-ano ang mga kahulugang ipinahayag ng mga katagang ginamit?

Ang mga katagang ito ay tinatawag na ingklitik. kapag nag-iisa walang kahulugan ang mga ingkltik. nagkakaroon lamang ito ng kahulugan kapagginamit na sa pangungusa. ang mg ito ay nagbibigay ng iba't ibang pakahulugan sa pangungusap.

Narito ang iba pang halimbawa:

Aalis pala siya.

Aalis na siya.

Aalis ba siya?

Aalis na nga siya.

Aalis yata siya.

Aalis kasi siya.

Aalis sana siya.

Kung inyong mapapansin naiiba ang kahulugan ng bawat pahayag depende sa ingklitik na ginamit.

Tandaan:

"Ang mga ingklitik ay maiikling kataga na walang kahulugan sa kanilang sarili subalit nakakapagpabago ng kahulugan ng pangungusap.Halimbawa ng mga ingklitik ay ba, nga, yata, pala, daw/raw, kaya, kasi, man, muna, lang, pa, na, at iba pa."

GAWAIN:

Ibigay ang angkop na ingklitikna bubuo s bawat pangungusap.

1. Ikaw ________ ang dumating?
2. Umalis na ________ siya at may gagawin pa ako.
3. Darating ________ mamaya ang bisita.
4. Nagmamadali siya ________ nalimutan niyang kumain.
5. Dumating naman ________ siya?
6. Umalis ________ siya dahil nainip sa paghihintay sa iyo.
7. Kumain ________ sila bago umalis.
8. Naglalaba ________ siya hanggang ngayon.
9. Hindi ka ________ tumawag bago pumarito.
10. Pupunta ________ raw siya ngayon.

Inihanda ni Bb. Ronalyn B. Ramos
Para sa kursong Educational Technology 2
(Class Schedule: MW 7:00-8:30pm)

                             " ANG APAT NA PARAAN NG PAGPAPAHAYAG "

Pagsasalaysay 

                 Ito ay nagsasaad ng mga pangyayari o karanasang magkaugnay. katulad ito ng pagkukwento ng mga kawil-kawil na pangyayari, pasulat man o pasalita. Itinuturing ito na pinakamasining, pinakatanyag at tampok na paraan ng pagpapahayag. Ito rin ang sinasabing pinakamatandang uri ng pagpapahayag sapagkat dito nagsimula ang alamat; epiko at mga kwentong bayan.

. 

PAGLALARAWAN 

                 - Ito'y isang anyo ng pagpapahayag na 

naglalayong bumuo ng isang malinaw na larawan sa isip ng 

mga mambabasa o nakikinig. sa pamamagitan ng paggamit ng 

tiyak na salitang naglalarwan, gaya ng pang-uri at 

pang-abay, malinaw na naipakikita ang katangian ng tao, 

bagay, lugar o pangyayari na ating nakikita, naririnig o nadarama. 

- napapagalaw at napakikislot din ng 

paglalarawan ang ating mga guni-guni, imahinasyon at 

nakatatawag ng paningin at pansin ng mga mambabasa 

Pangangatwiran 

- Ito ay isang pahpapahayag na nagbibigay ng sapat na katibayan o patunay upang ang isang panukala ay maging katanggap - tanggap o kapani-paniwala. Layunin nito na hikayatin ang mga tagapakinig na tanggapin ang kawastuhan ang kanilang pananalig o paniniwala sa pamamagitan ng makatwirang pagpapahayag. (- Badayos) 

paglalahad 

- pagkukuwento ; pagsasalaysay.

        -Pagpapaliwanag ukol sa pamamaraan  o proseso ng paggawa ng isang bagay at nang isang layunin o simulain.

PAGSASANAY:

              Tukuyin ang apat na paraan ng pagpapahayag sa pamamagitan ng pagsasadula.

   By: Ziderlyn Azores Profed7b, MW 7:00-8:30pm

Mga Uri ng Panghalip at Halimbawa

Ano ang Panghalip? 

             Ang panghalip ay salitang pamalit sa pangngalan. 

Mga Uri ng Panghalip...

1. Panghalip na Panao (Personal Pronoun)

Halimbawa: ako, ko, akin, amin, kami, kayo, atin, inyo, kita, kata, mo, siya, kanila, siya, kanya

   hal. Ako ang nagtanim, iba ang umani        .

 2. Panghalip na Pamatlig (Demonstrative Pronoun)

malapit sa nagsasalita:  ito, ire, niri, nito, ganito, ganire

             hal. ito ang bulaklak.

malapit sa kinakausap: iyan niya ayan hayan diyan

             hal. Diyan nakalibing si Mayla.

malayo sa nag-uusap: ayun, hayun, iyon, yaon, niyon, noon, doon 

             hal. Doon siya nakatira.

3. Panghalip na Pananong (Interrogative Pronoun)

Halimbawa: ano, anu-ano, sino, sinu-sino, nino, alin, alin-alin

            hal. Sinu-sino ang kasama mo?

4. Panghalip na Panaklaw (Indefinite Pronoun)

Halimbawa:  lahat, madla, sinuman, alinman, anuman, pawang

               hal. Lahat ng babae ay naka asul.

5. Panghalip na Pamanggit 

Halimbawa:  na, -ng 

            hal. lahat ng Bulaklak ay nalanta sa harden.

PAGSASANAY:

                  

.. Magbigay ng iba't ibang halimbawa ng uri ng Panghalip.

Panghalip na panao

  1.

  2.

  3.

Panghalip na Pamatlig

  1.

  2.

  3.

Panghalip na Pananong

  1.

  2.

  3.

Panghalip na Panaklaw

  1.

  2.

  3.

Panghalip na Pamanggit

  1.

  2.

  3.
        By: Myla Obido Profed7b MW 7:00-8:30pm

Pangungusap

Pangungusap (Sentence)

I. Introduksyon:

Ang Pangungusap ay lipon ng mga salita na nagsaad ng buong diwa.

Bawat pangungusap ay may dalawang bahagi -- ang Simuno at Panaguri

1. Ang Simuno (subject) ay ang paksa o ang pinag-usapan sa pangungusap. May mga panandang si, sina kung tao ang simuno at ang o ang mga kung bagay, lunan o pangayayari.

2. Ang Panaguri (predicate) naman ang nagsasabi tungkol sa simuno.

Halimbawa:

a. Ang pinaghugasan ng pinggan ay ipinandidilig ko ng halaman.

Simuno: pinaghugasan ng pinggan

Panaguri: ay ipinandidilig ko ng halaman

b. Ginagamit ko ang basurahan nang maayos.

Simuno: ang basurahan

Panaguri: ginagamit nang maayos

II. Ayos ng Pangungusap

May dalawang kaayosan ang pangungusap. Ito ay ang Karaniwang Ayos at ang Di-karaniwang Ayos.

Ang Karaniwang Ayos ng pangungusap ay nauuna ang panaguri kaysa sa simuno/paksa.

Hal.

Nandito ako.

(panaguri) (simuno)

Ang Di-karaniwang Ayos ng pangungusap ay kung nauuna ang paksa at ginagamitan ng panandang "ay".

Hal.

Ako ay isang matalinong bata.

(simuno) (panaguri)

III. Mga Uri ng Pangungusap

May apat na uri ang pangungusap ayon sa gamit:

1. Paturol o Pasalaysay - ang pangungusap kung naglalahad ito ng isang katotohanang bagay. Nagtatapos ito sa tuldok (.).

Hal.

Nakalimutan mo ang iyong aklat sa bahay.

2. Pautos - ang pangungusap kung nag-uutos at nagtatapos din ito sa tuldok (.).

Hal.

Pakikuha po ng sapatos ko sa may mesa.

3. Patanong - ang pangungusap kung nagtatanong. Nagtatapos ito sa tandang pananong (?).

Hal.

Sino ako?

4. Padamdam - ang pangungusap kung nagsasaad ng matinding damdamin. Nagtatapos ito sa tandang padamdam (!).

Hal.

Aba, may sunog!

IV. Payak at Tambalang Pangungusap

1. Payak na pangungusap - kung ang isang ideya lamang ang ipinahahayag. May simuno at panaguri ito na maaring higit sa isa.

Hal.

Masarap at masustansya ang mga gulay.

2. Tambalang pangungusap - kung dalawang diwa o ideya ang ipinahahayag na maaring magkatulad, magkasalungat o pagpipilian. Dalawang payak na pangungusap ang pinagsama at pinag-uugnay ng at, o ngunit,

Hal.

Naglalaba si Juan habang nagluluto ang kanyang asawa.

V. Layon ng Pangungusap

Tatlo ang layon na maaring gamitin sa pangungusap.

1. Ang tuwirang layon ay tumatanggap ng kilos pandiwa at may panandang ng. Sumasagot ito sa tanong na ano.

Hal.

Sumayaw siya ng Tango.

2. Ang di-tuwirang layon ng pandiwa ay pinaglalaanan o pinagtutunguhan ng kilos. Sumasagot ito sa tanong ng kanino.

Hal.

Binigyan ko siya ng bulaklak.

3. Ang layon ng pang-ukol na sa ay tumutukoy sa lugar kung saan naganap ang kilos.

Hal.

Pumunta kami sa palengke

By: Jessie Echano jr Prof.Ed7b MW 7-8:30pm

alibata

ALIBATA

• Sinaunang palatitikan ng pilipinas.
• Kinikilalang unang sistema ng pagsulat ng mga pilipino.
• Mula sa Alifbata ng Arabia na naging alibata.

-Paano babaguhin ang tunog sa hulihan ng alibata.

• Paglalagay ng tuldok sa ilalim ng simbulo. Kung o/u ang ipapalit na tunog sa hulihan.
• Paglalagay naman ng tuldok sa ibabaw ng simbulo. Kung e/i ang ipapalit na tunog sa hulihan.

-Paano papatayin ang tunog sa hulihan ng simbulo.

• Paglalagay ng maliit na simbulong (+) sa hulihan ng simbulo.

Halimbawa:

Pagsasanay:
Baybayin ang mga sumusunod na salita:

1.Paraiso
2.Buhay
3.Braso
4.dibdib
5.Ina
6.Tinapay
7.Pusa 
8.Puno
9.babae
10.Bintana

By: Jecel Puna Prof.Ed7b MW 7-8:30pm